As a national research institute, EIAR aspires to see improved livelihood of all Ethiopians engaged in agriculture, agro-pastoralism, and pastoralism through market-competitive agricultural technologies.

Latest News

በኢትዮጵያ የግብርና ምርምር ኢንስቲትዩት የወረር ግብርና ምርምር ማዕከል ከተመሠረተበት ከ1958 ዓ.ም ጀምሮ በምግብ ሰብሎች እና በእንስሳት ዝርያዎች መኖ ማሻሻያ እንዲሁም በአፈርና ውኃ አጠቃቀምና አያያዝ ዙሪያ ሰፊ ምርምር በማካሄድ በመስኖ ለሚለሙ ቆላማ አካባቢዎች ተስማሚ የሆኑ ቴክኖሎጂዎችን በማውጣት አርብቶ አደሩን፣ ከፊል አርብቶ አደሩንና በቆላማው አካባቢ የተሰማሩ ልማታዊ ባላኃብቶችን ተጠቃሚ ሲያደርግ የቆየና እያደረገ ያለ ማዕከል ነው፡፡ 

ማዕከሉ ከየካቲት 18-19/2009 ዓ.ም. በአፋር ክልል በአሚባራ እና በገዋኔ ወረዳዎች አርብቶ አደሮችን፣ ከፊል አርብቶ አደሮችን እና ልማታዊ ባላሃብቶችን በማሳተፍ የመስክ ቀን በዓል አዘጋጅቷል፡፡ በበዓሉ ላይ ማዕከሉ ያከናወናቸውን የምርምርና የቴክኖሎጂ ማስተዋወቅ ስራዎች ለመንግስት ከፍተኛ አመራሮች፣ ለግብርና ባለሙያዎችና ለተለያዩ የልማት አካላት ያስጎበኘ ሲሆን መልካም ተሞክሮዎችን ለሌሎች አካላት በማካፈል በቀጣይ ስራዎች ላይ ውይይት አድርጓል፡፡  

በዝግጅቱ ላይ ማዕከሉ ያከናወናቸው የተለያዩ የምርምር ስራዎች በተለይም በሰፋፊ የጥጥ እርሻዎች ላይ በመስኖ የሚለሙ ለቆላ አካባቢ ተስመማሚ የሆኑ የስንዴ ዝርያዎች፣ የዶር እርባታ ቴክኖሎጂዎች፣ በመንደር ማሰባሰብ ፕሮግራም ውስጥ ለታቀፉት አርብቶና ከፊል አርብቶ አደሮች የተለያዩ የእንሰሳት መኖ ቴክኖሎጂዎችን ማስተዋወቅ እንዲሁም ሌሎች የቴክኖሎጂ ማስፋፋትና የቴክኖሎጂ ብዜት ሥራዎች ተጎብኝተዋል፡፡

የኢ.ፌ.ዲ.ሪ. የእርሻና ተፈጥሮ ሃብት ሚኒስትር ዶ/ር ኢያሱ አብርሃ የመስክ ቀኑን ሲከፍቱ በተናገሩበት ወቅት የምግብ ዋስትናን ለማረጋገጥ የግብርና ኢንድስትሪ ግብዓትን ለማሟላት እንዲሁም የወጭ ንግድን ውጤታማ ለማድረግ የግብርና ቴክኖሎጂ አቅርብቶ ከፍተኛውን ድርሻ የሚኖረው መሆኑን ገልጸው፤ የወረር ግብርና ምርምር ማዕከል እያከናወናቸው የሚገኙ የቴክኖሎጂ ማስፋፋትና ማስተዋወቅ ሥራዎች የዚህ ማሳያ መሆናቸውን አብራርተዋል፡፡ 

የኢንስቲትዩቱ ዋና ዳይሬክተር ዶ/ር ፈንታሁን መንግስቱ በመስክ ጉብኙቱ ላይ እንደገለፁት ኢንስቲትዩቱ የአገሪቱን የምግብ ዋስትና መረጋገጥ የሚያስችሉ፣ ገበያ ተኮር የግብርና ቴክኖሎጂዎችን እና ከውጭ የሚገቡ ፍላጎቶችን የሚቀንስ የግብርና ቴክኖሎጂዎችን በማፍለቅ ተሳትፏዊና ቅንጅታዊ በሆነ መልኩ በማቅረብ በሁሉም ስነ-ምህዳሮች ለሚገኙ አርሶ አደሮች፣ አርብቶ አደሮች፣ ከፊል አርብቶ አደሮችና ሌሎች ተጠቃሚዎች በማስተዋወቅና በማቅረብ ላይ ይገኛል፡፡ 

ከቅርብ ጊዜ ወዲህም ምርምሩ ከደጋማውና ከወይና ደጋው አካባቢ ባሻገር ለዝናብ አጠር አካባቢዎች ትኩረት በመስጠት በቆላማ አካባቢዎች ያለውን የተፈጥሮ ሃብት ከቴክኖሎጂዎች ጋር በማመጋገብ በነዚህ አካባቢዎች ምርትና ምርታማነት በማሳደግ የምግብ ዋስትናን ለማረጋገጥ የተለያዩ ተግባራትን በማከናወን ላይ መሆኑን አስረድተዋል፡፡

ዳይሬክተሩ በአፋር ክልል በአሚባራ ወረዳ በጥጥ ማሳ ላይ የተስፋፋውን የስንዴ ቴክኖሎጂ ማስተዋወቅ ሥራ በጎበኙበት ወቅት እንዳሉት ስንዴ በዋናነት በደጋና ወይናደጋ አየር ንብረት አካባቢዎች የሚመረት ሰብል ቢሆንም ነገር ግን በሞቃታማና በራሃማ አካባቢዎች በዚህ መልኩ ከተመረተ ከውጭ የሚገባውን ስንዴ ማስቀረት እንደሚቻል ገልጸዋል፡፡ በተመሳሳይም  በደቡብ ክልል ደቡብ ኦሞ ዞን ኛንጋቶምና ዳሳነች ወረዳዎች የግብርና ቴክኖሎጂዎችን የማስተዋወቅና የማስፋት ተግባራት የተከናወኑ መሆኑን ገልፀው በቅርቡ ኢንስቲትዩቱ በኢትዮጵያ ሱማሌ ጎዴ፣ ምዕራብ ጎዴ፣ ሸበሌና ፋፈን ላይ ተመሳሳይ የቴክኖሎጂ ማስተዋወቅና ማስፋፋት ለማካሄድ በዝግጅት ላይ መሆኑን ገልፀዋል፡፡  

 

Upcoming Events

  • Agricultural Economics Research Annual Review

    Organizer: Agricultural Economics Research Directorate

    Date(s): March 22-23, 2017

    Venue: Trainig Hall, EIAR HQ, Addis Ababa

    Contact: Dr. Chilot Yirga

     

  • Technology Transfer and Commercialization Research Annual Review

    Organizer: technology transfer and commercialization Research Directorate

    Date(s): March 22-23, 2017

    Venue: Hiruy Hall, EIAR HQ, Addis Ababa

    Contact: Ato Derese Teshome

     

  • More Events...

Research Areas

Research Centers