As a national research institute, EIAR aspires to see improved livelihood of all Ethiopians engaged in agriculture, agro-pastoralism, and pastoralism through market-competitive agricultural technologies.

Latest News

EIAR IN THE MEDIA

 

ለግብርና አእምሯዊ ንብረቶች ተገቢው ጥበቃ መደረግ እንዳለበት ተገለፀ፤

የኢትዮጵያ የግብርና ምርምር ኢንስቲትዩት ከኢትዮጵያ የአእምሯዊ ንብረት ጽ/ቤት ጋር በመተባበር በአለም አቀፍ ደረጃ ለ18ኛ ጊዜ በአገራችን ለ14ኛ ጊዜ የሚከበረውን የዓለም የአእምሯዊ ንብረት ቀን በዓልን በኢንስቲትዩቱ ስር  ከሚገኙት ማዕከላት አንዱ በሆነው በጅማ ግብርና ምርምር ማዕከል አከበረ፡፡ 

የጅማ ግብርና ምርምር ማዕከል ዳይሬክተር አቶ አሸናፊ አያኖ በመክፈቻው እንደገለፁት ይህ በዓል በማዕከላችን እንዲዘጋጅ መደረጉ እንዳስደሰታቸው ገልፀው፤ ከዚህ የግንዛቤ ማስጨበጫ  መድረክ ብዙ እንደሚጠብቁና በቀጣይ በማዕከሉ የሚወጡ የምርምር ውጤቶች ጥበቃ እንዲያገኙ የበኩላቸውን እንደሚወጡ ገልጸው፤ ተመራማሪዎችም ከሚሰሩት የምርምር ውጤት የሚገባቸውን ጥቅም እንዲያገኙ ቢደረግ ከዚህ የተሻለ ውጤት ለማምጣት እንደሚያግዝ ገልፀዋል፡፡

የኢትዮጵያ አእምሯዊ ንብረት ጽ/ቤት ወክለው የተገኙት አቶ ደረጄ ጽጉ በጽ/ቤቱ የፓተንት ምዝገባና ጥበቃ ተ/ዳይሬክተር በበኩላቸው ጽ/ቤቱ ኢንስቲትዩቱ የምርምር ውጤቶችን ለማስጠበቅ በሚያደርገው እንቅስቃሴ ሁሉ ድጋፍ እንደሚያደርግ በቀጣይም ተመሳሳይ መድረኮች ሲዘጋጁ በትብብር ለመስራት ቁርጠኛ  መሆኑን ገልጸዋል፡፡

ኢንስቲትዩቱ ከግንቦት 4-5 ቀን 2009 ዓ.ም. ከጽ/ቤቱ ጋር በጋራ በመሆን ባካሄደው ዝግጅት ላይ ከግብርናው ዘርፍ ጋር ተያያዥነት ያላቸው የተለያዩ ውይይቶች እና በባለሙያዎች ግንዛቤ ማስጨበጫ መድረኮች ተካሄደዋል፡፡ በተዘጋጀው መድረክ የግብርና አእምሯዊ ንብረቶች አስፈላጊው ጥበቃ በማድረግ ውጤታማና ተፈላጊ የሆኑ ቴክኖሎጂዎችን ለተጠቃሚዎች ማቅረብ የሚያስችል አቅም ማሳደግ እንደሚቻል ተጠቁሟል፡፡ በኢትዮጵያ የግብርና ምርምር ኢንስቲትዩት የአእምሯዊ ንብረት ተመራማሪ የሆኑት አቶ ናሆም መስፍን እንደገለጹት የቴክኖሎጂ ተወዳዳሪነት መጨመር ለአርሶ አደሩ ምርትና ምርታማነት ማደግ ጉልህ ሚና ያለው በመሆኑ ኢንስቲትዩቱ በቀጣይ ከአእምሯዊ ጥበቃ ጽ/ቤት ጋር በመሆን የተለያዩ ተግባራት እንደሚከናወኑ ተናግረዋል፡

በውይይቱም የግብርና ቴክኖሎጂዎች ሲወጡ በርካታ ዕውቀት ጊዜ እና መዋለ ነዋይ ወጥቶባቸው የሚወጡ በመሆኑ አስፈላጊው ጥበቃ ሊደረግላቸው ይገባል ተብሏል፡፡ ኢንስቲትዩቱም ከጽ/ቤቱ ጋር በመሆን የጀመራቸው እንቅስቃሴ አበረታች መሆኑን ተገልጿዋል፡፡ 

ሁለት ቀን በፈጀው በዓል ላይ ከአእምሮአዊ ንብረት ጽ/ቤት በመጡ ከፍተኛ ባለሙያዎች የተለየዩ የግንዛቤ ማስጨበጫ ፅሑፎች ለተሳታፊዎች ቀርበዋል፡፡ እንዲሁም በጅማ ግብርና ምርምር ማዕከል የተሰሩ የምርምር ስራዎች ተጎብኝተው ውይይት ተደርጎባቸዋል፡፡ የጽ/ቤቱ ባለሙያዎች፣ ተመራማሪዎች እና ጥሪ የተደረገላቸው እንግዶች ተሳትፈዋል፡፡

 

Upcoming Events

  • External Project Review Meeting

    Organizer: Planning Monitoring and Evaluation Directorate

    Venue: EIAR HQ, Training Room

    From:  April 25-27, 2018

  • Awareness Creation Training for new researchers

    Organizer: Agricultural Economics Research Directorate

    Venue: EIAR HQ, Training Room

    From:  April 23-24, 2018

  • Mid-Term Project Progress Review Meeting

    Organizer: BMGF-MERCI Project

    Venue: EIAR HQ, Training Room

    From:  April 20-21, 2018

  • Regular Planned Meetings and Trainings

    Organizer: BMGF-MERCI Project

    Venue: EIAR HQ, Training Room

    From:  April 09-18, 2018

Research Areas

Research Centers