As a national research institute, EIAR aspires to see improved livelihood of all Ethiopians engaged in agriculture, agro-pastoralism, and pastoralism through market-competitive agricultural technologies.

Latest News

EIAR IN THE MEDIA

 

ጭሮ ብሄራዊ የማሽላ ምርምርና ስልጠና ማዕከል የተሻሻለ የማሽላ ቴክኖሎጂን ለአካባቢው አርሶ አደሮች በማስተዋወቅ ላይ እንደሚገኝ ተገለፀ፡፡

በኦሮሚያ ክልል በምዕራብ ሀረርጌ ዞን በዳሮለቡ፣ ቡርቃ ዲምቱ እና ጉምቢ ቦርደዴ ወረዳዎች የሚገኙ አርሶ አደሮች ለአካባቢው አየር ንብረት ተስማሚና ድርቅን የመቋቋም አቅሙ ከፍተኛ የሆነ የተሻሻለ የማሽላ ዝርያን በመዝራት በዓመት  ከአንድጊዜ በላይ  ማምረት የሚያስችላቸውን የአመራረት ሂደት በመከተል ላይ እንደሚገኙ ተገለፀ፡፡

በጭሮ ብሄራዊ የማሽላ ምርምርና ስልጠና ማዕከል ዳይሬክተር የሆኑት አቶ ሞገስ መኮነን ግንቦት 11  ቀን 2010 ዓ.ም በዳሮለቡ ወረዳ በተካሄደው የመስክ ቀን ወቅት እንደገለፁት የምርምር ማዕከሉ ከመልካሳ ብሄራዊ የማሽላ ምርምር ፕሮግራም ማስተባበሪያ ጋር በጋራ በመሆን በአጭር ጊዜ ውስጥ የሚደርስ መልካም የተሰኘ ለአካባቢው ተስማሚ የሆነ የተሻሻለ የማሽላ ዝርያን በማህበረሰብ አቀፍ የቴክኖሎጂ ሽግግርና ማስፋፋት ሂደት ለአካባቢው አርሶ አደሮች በማስተዋወቅ ላይ ይገኛል ብለዋል::

የዚህ ቴክኖሎጂ ማስተዋወቅና ማስፋት ሂደት ዋና አላማ አካባቢው ከዚህ በፊት በተደጋጋሚ በድርቅ የተጠቃ ከመሆኑ ጋር በተያያዘ በዞኑ የሚገኙ አርሶ አደሮች ዘንድ እያጋጠመ የሚገኘውን የዘር እጥረት ችግር ለመቅረፍ ነው ያሉት ዳይሬክተሩ አያይዘውም በዞኑ በሚገኙ ሶስት ወረዳዎች 50 ሄክታር ያህል ማሳ በመልካም የማሽላ ዝርያ መሸፈን መቻሉን ተናግረዋል፡፡ ይህ የማሽላዝርያለአካባቢው ተስማሚና በጥቂት እርጥበት ምርት በመስጠት ድርቅን የመቋቋም አቅሙ በጣም ከፍተኛ ከመሆኑም በተጨማሪ ምርቱ ጥቂት ወራት ጊዜ ውስጥ የሚደርስበመሆኑማሽላ እናሌሎች ሰብሎችን በማምረት በአመት ሁለት ጊዜ አርሶ አደሩን ተጠቃሚ የሚያደርግ መሆኑን ገልፀዋል፡፡

በምዕራብ ሀረርጌ ዞን ዳሮለቡ ወረዳ አርሶ አደሮች በበኩላቸውበዘንድሮው የምርት ዘመን ከምርምር ማዕከሉ ያገኙትን መልካም የተሰኘውን የተሻሻለ የማሽላ ዝርያ የዘሩ መሆኑን ገልፀው በሄክታር ከ45-50 ኩንታል የሚደርስ ምርት እንደሚያገኙ ያላቸውን እምነት ይገልፃሉ:: አርሶ አደሮቹ አያይዘውም ከምርቱ የሚገኘውን መነሻ ዘር በወረዳው አስተዳደር ድጋፍ ለማህበራት በመሸጥ ሌሎች የአካባቢው አርሶ አደሮች ጋር እንዲደርስ በማድረግ ተጠቃሚ የሚሆኑበት መንገድ እንደሚፈጠር ይናገራሉ፡፡

/ማንደፍሮ ንጉሴ የኢትዮጵያ ግብርና ምርምር ኢንስትቲዩት ዋና ዳይሬክተር እንደገለፁት ተቋሙ በአለም አቀፍ ደረጃ ተወዳዳሪ የሆኑ ቴክኖሎጂዎችን በማፍለቅና በማላመድ የአገሪቱን የማሽላ አመራርት ስርዓት ወደተወዳዳሪና ዘመናዊ የአመራርት ስርዓት  በመለወጥ የአገር ውስጥ የማሽላ ፍላጎት ከማሟላትና የአርሶ አደሮችን ሕይወት ከመለወጥ ባሻገር በአለም አቀፍ የማሽላ የግብይት ሰንሰለት አገሪቷ ጉልህ የገበያ ድርሻ እንዲኖራትማስቻል እየሰራ ይገኛል ያሉ ሲሆን በቀጣይም ሌሎች የዞኑ አርሶ አደሮች በዚህ የቴክኖሎጂ ማስፋት ሂደት ተሳታፊና ተጠቃሚ የሚሆኑበት መንገድመቻቸት ይኖርበታል ያሉት ዳይሬክተሩ፤ አያይዘውም ማዕከሉ ተደራሽ እያደረጋቸው የሚገኙ ወረዳዎች የሚገኙባቸው አካባቢዎች መንገዶች ውስብስብና ለእንቅስቃሴ አመቺ ያለመሆናቸውን ገልፀው የሚመለከታቸው አካላት ችግሩን በመረዳት አፋጣኝ መፍትሄ ቢሰጡበት ሲሉ በአፅንኦት ይናገራሉ፡፡

የጭሮ ብሔራዊ የማሽላ ምርምርና ስልጠና ማዕከል በምስራቅ ኢትዮጵያ ምዕራብ ሐረርጌ ዞን ጭሮ ከተማ የሚገኝ ሲሆን ማዕከሉ ሥራ ከጀመረበት 2006 .ጀምሮ በማሽላ ምርምር ላይ በማተኮር የማሽላ የልቀት ማዕከልመሆን እየሰራ ይገኛል፡፡ ማዕከሉ በቀጣይ ጊዜያትም ከማሽላ ቴክኖሎጂዎች በተጨማሪ ለአካባቢው ተስማሚ የሆኑ የአትክልትና ፍራፍሬ ቴክኖሎጂዎችን ለአካባቢው አርሶ አደሮች ለማቅረብ እየሰራ እንደሚገኝ ተገልል፡፡

 

Upcoming Events

  • AGPll Project Activities Planning

    Organizer: AGP ll Project

    Venue: EIAR HQ, Training Hall

    From:  June 4-7, 2018

  • TAAT Wheat Project Launching Workshop and Seed Training

    Organizer: SARD SC Project

    Venue: EIAR HQ, Hiruy Hall

    From:  June12-15, 2018

  • Agricultural Knowledge Learning Documentation and Policy Annual Mechanization Forum

    Organizer: Agricultural Mechanization Research Directorate 

    Venue: EIAR HQ, training Hall

    From:  June18, 2018

Research Areas

Research Centers